ප්‍රබෝධා හෙට්ටිආරච්චි
නීතිවිරෝධී මුදල් සම්පේ‍්‍රෂණ ක්රම මගින් මුදල් බෙදා හරින සහ ලබන අයගේ බැංකු ගිණුම් වහාම කි‍්‍රයාත්මක වන පරිදි අත්හිටුවන බව මහබැංකු අධිපත් අජිත් නිවාඩ් කබ්රාල් මහතා පවසයි.
එබැවින් විදේශගතව සිටින ලාංකිකයන් මෙරටට මුදල් එවීමේදී නීත්‍යනුකූල ක්රම භාවිත කිරීමට පමණක් කටයුතු කරන ලෙස මහබැංකු අධිපතිවරයා අවධාරණය කර සිටී.
අවිධිමත් අරමුදල් හුවමාරු කිරීමේ මාර්ග සීමාකිරීම සඳහා ශ්‍රී ලංකා මහ බැංකුව සහ නීතිය ක්‍රියාත්මක කරන බලධාරීන් විසින් ගත් පියවරක් ලෙස මෙය ක්‍රියාත්මක වේ.
විදෙස්ගත ශ්‍රමිකයින් විසින් මෙම දෙසැම්බර් මාසය තුළ ශ්‍රී ලංකාවේ බැංකු ඇතුළු විධිමත් මුදල් හුවමාරු ක්‍රමවේදයන් හරහා ප්‍රේෂණය කරනු ලබන සෑම ඩොලරයක් සඳහා ම රුපියල් 10 ක වැඩිපුර මුදලක් ලබා දෙන බව ශ්‍රී ලංකා මහ බැංකුව දැනුම් දී සිටී.
මේ අතර විධිමත් නිල මුදල් හුවමාරු ක්‍රමවේදයන් ඔස්සේ එවනු ලබන විදෙස් මුදල් සඳහා තවත් ප්‍රතිලාභ පිරිනමනු ලබන බව මහ බැංකුව වැඩිදුරටත් ප්‍රකාශ කර තිබේ.
