මහජන උපයෝගීතා කොමිසමේ සභාපතිවරයා විසින් ඉන්ධන මිල සම්බන්ධයෙන් කෝප් කමිටුව හමුවේ ඊයේ සිදුකළ ප්රකාශය පිළිබඳ තමන් සහ ඛණිජතෙල් සංස්ථාවේ නිලධාරීන් කෝප් කමිටුව හමුවට කැඳවා පරීක්ෂණයක් සිදුකරන ලෙස විදුලිබල හා බලශක්ති අමාත්ය කංචන විජේසේකර අද ඉල්ලීමක් කළා.
කෝප් කමිටු සභාපති පාර්ලිමේන්තු මන්ත්රී මහාචාර්ය චරිත හේරත්ගෙන් අමාත්යවරයා ඉල්ලා ඇත්තේ මහජන උපයෝගීතා කොමිසමේ සභාපතිවරයා විසින් ජනතාව නොමග යවන සුළු ප්රකාශයක් සිදුකර ඇත්ද යන්න සොයා බලන ලෙසයි.
කෝප් කමිටුව හමුවේ පෙනී සිටිමින් මහජන උපයෝගීතා කොමිසමේ සභාපති ජනක රත්නායක, ඉන්ධන මිල හා එහි ප්රසම්පාදන කටයුතු සම්බන්ධයෙන් ඊයේ චෝදනා එල්ල කළා.