මෙරට රෝහල් පද්ධතිය තුළ ශල්‍ය මුඛ ආවරණ ඇතුළු ආරක්ෂක උපකරණ කට්ටල (PPE) හිඟයක් පවතින බව සමස්ත ලංකා හෙද සංගමය ප්‍රකාශ කර සිටී .
ඒ හේතුවෙන් මේ වනවිට කොවිඩ් රෝගීන් සමග කටයුතු කිරීමේදී හෙද හෙදියන්ට විශාල ගැටළු රැසකට මුහුණ දීමට සිදුව ඇති බවද එම සංගමය සඳහන් කර සිටී .
එසේම මේ හේතුවෙන් හෙද හෙදියන්ගේ සෞඛ්‍යයටද දැඩි තර්ජනයක් එල්ලවී ඇති බවද එම සංගමය පවසයි
ඒ අනුව සමස්ත ලංකා හෙද සංගමයේ ප්‍රධාන ලේකම් එච්. එම්. එස්. බී. මැදවත්ත මහතා මාධ්‍ය වෙත පැවසුවේ මුඛ ආවරණ ඇතුළු අදාළ පෞද්ගලික ආරක්ෂක උපකරණ කට්ටල වහාම ලබාදීමට කටයුතු නොකරන්නේ නම් ඊට එරෙහිව ක්‍රියාමාර්ග ගැනීමට සිදුවන බවය.
