කැනඩා රජය විසින් ශ්‍රී ලංකාවේ හිටපු ජනාධිපතිවරුන් දෙදෙනෙකුට එරෙහිව සම්බාධක පැනවීමට ගෙන ඇති තීරණයට ශ්‍රී ලංකාවෙන් විරෝධතාවයක් පළ කර ඇති බවයි සඳහන් වන්නේ.
අද පෙරවරුවේ විදේශ කටයුතු අමාත්‍ය අලි සබ්‍රි මහතා මෙරට කැනඩා මහකොමසාරිස් වරයාව විදේශ කටයුතු අමාත්‍යාංශය වෙත කැඳවනු ලැබුවේ නිල වශයෙන් කැනඩාවේ තීරණයට විරෝධය පළ කිරීමටයි.
කැනේඩියානු රජය ඊයේ නිවේදනයක් නිකුත් කරමින් හිටපු ජනාධිපති මහින්ද රාජපක්ෂ මහතා සහ ගෝඨාභය රාජපක්ෂ මහතා ඇතුළු සිව් දෙනෙකුට සම්බාධක පැනවීමට තීරණය කර තිබුණා.
හිටපු ජනාධිපතිවරුන් දෙදෙනා ඇතුළු එම සිව්දෙනාට කැනඩාව තුළ සංක්‍රමණික වීම හෝ සරණාගත රැකවරණ හිමි නොවන බවත්, කැනේඩියානු රජය ඊයේ නිවේදනය කලා.එසේම ඔවුන්ට කැනඩාවත් සමඟ කිසිඳු ගනුදෙනුවක් සිදු කිරීමට ද අවසර හිමි වන්නේ නැහැ.
