2021 වසර සඳහා වන අයවැය ලේඛනයෙන් සෑම සිගරට් වර්ගයක් සඳහාම බදු වැඩි කරන ලෙස මධ්‍යසාර සහ මත්ද්‍රව්‍ය තොරතුරු මධ්‍යස්ථානය (ADIC) රජයෙන් ඉල්ලා සිටී.
සිගරට් සඳහා විවිධ බදු අය නොකර සෑම සිගරට් වර්ගයක් සඳහාම පොදුවේ බදු වැඩි කරන ලෙස මෙහිදී මධ්‍යසාර සහ මත්ද්‍රව්‍ය තොරතුරු මධයස්ථානය රජයෙන් ලිඛිතව ඉල්ලා ඇත.
ලෝක සෞඛ්‍ය සංවිධානය මෙන්ම ලෝක බැංකුව නිකුත් කර ඇති දුම්කොළ බදුකරණ නිර්දේශ ශ්‍රී ලංකාවට බලනොපාන හෙයින් දුම්කොළ සඳහා දිනකට රුපියල් මිලියන 400ක් වැය කරනු ලබන බවත් එය වාර්ෂිකව රුපියල් බිලියන 145 ඉක්මවන බවත් මධ්‍යසාර සහ මත්ද්‍රව්‍ය තොරතුරු මධ්‍යස්ථානය සඳහන් කර ඇත .
එහෙයින් ඵලදායි දුම්කොළ බදු ප්‍රතිපත්තියක් දියත් කළහොත් 2023 වසර වනවිට බිලයන 3 සිට බිලියනය දක්වා එම වැය අඩුකරගත හැකි වන බවයි එම මධ්‍යස්ථානය පෙන්වාදෙන්නේ.
දිනකට සිගරට් භාවිතය නිසා ශ්‍රී ලාංකිකයන් 55ක් අකල් මරණයට පත් වෙන බව සඳහන් කරන එම මධ්‍යස්ථානය වාර්ෂිකව සිගරට් භාවිතය නිසා පුද්ගල මරණ 20000ක් පමණ අකල් මරණයන්ට ගොදුරු වන බවද වැඩිදුරටත් පවසයි.
