අගොස්තු 01 වැනිදා සිට දිරාපත්වන ලන්ච් ෂීට් පමණක් අලෙවි කිරීම අනිවාර්ය කර තිබේ.
පරිසර අමාත්‍ය මහින්ද අමරවීර මහතා අද(14) පරිසර අමාත්‍යාංශයේ පැවැති මාධ්‍ය හමුවකට සහභාගි වෙමින් ඒ බව සඳහන් කළේය.
ඒ අනුව, පොලිතීන් වලින් නිෂ්පාදනය කරනු ලබන නොදිරන ලන්ච් ෂීට් ලබන මස 01 වැනිදා සිට නිෂ්පාදනය හා බෙදාහැරිම ද තහනම් වනු ඇත.
දැනට වෙළෙඳසැල්වල ඇති එවැනි ලන්ච් ෂීට් පමණක් අලෙවිය සඳහා මාසයක සහන කාලයක් ලබා දීමට තීරණය කර තිබේ.
පරිසර අමාත්‍යාංශය සඳහන් කළේ, දිනකට මෙරට භාවිතා කරනු ලබන ලන්ච් ෂීට් ප්‍රමාණය මිලියන 12 ත් 15 අතර ගණනකින් ඉහළ ගොස් තිබෙන බවය.
