දැනට ලොව පුරා පවතින කොවිඞ් මරණ අනුපාතය ලබන වසරේ මැද භාගය වනවිට සියයට 30 කින් පහත බසිනු ඇති බව අමෙරිකාවේ වොෂින්ටන් විශ්ව විද්‍යාලයේ සෞඛ්‍ය මිනුම් හා ඇගයීම් ආයතනය, සිදු කළ පර්යේෂණ කිහිපයකින් එම කරුණු අනාවරණ වී ඇත.
රෝගීන් රැකබලාගැනීම සදහා වඩා සාර්ථක ක‍්‍රම භාවිතය, ඔක්සිජන් ආධාරක භාවිතය සහ වැඩිදියුණු කළ වෛද්‍ය ප‍්‍රතිකාර හේතුවෙන්, එලෙස කොවිඞ් මරණ අනුපාතය පහළ බසිනු ඇති බව එම පර්යේෂකයින් පෙන්වා දී තිබෙනවා.
මේ වනවිට ද අමෙරිකාවේ කොවිඞ් මරණ අනුපාතය අඩුවෙමින් පවතින බව වොෂින්ටන් විශ්ව විද්‍යාලයේ සෞඛ්‍ය මිනුම් හා ඇගයීම් ආයතනයේ අධ්‍යක්ෂ වෛද්‍ය කි‍්‍රස්ටෝපර් මරේ ප‍්‍රකාශ කර ඇත.
ඔහු පවසන්නේ වසංගත ව්‍යාප්තිය ආරම්භයේදී සියයට බින්දුවයි දශම 9 ක් ලෙස පැවති අමෙරිකාවේ කොවිඞ් මරණ අනුපාතය මේ වනවිට සියයට බින්දුවයි දශම 6 ක් දක්වා අඩුවී ඇති බවය.
