ඇමරිකාවේ පැවති IFBB Arnold Classic Amateur – 2020 කායවර්ධන තරගාවලියේ අවසන් වටය සඳහා ශ්‍රී ලංකාව නියෝජනය කරමින් සහභාගී වූ ලූෂන් පුෂ්පරාජ් සිව්වන ස්ථානය දිනාගෙන තිබේ.
මිට පෙර පැවති තේරීම් වටයෙන් අවසන් පස්දෙනා අතරට තේරී පත්වූ ඔහු සිව්වැනි ස්ථානය දිනාගත්තේ සුපිරි බර පන්තිය නියෝජනය කරමින් පැවැත්වූ තරග වටයෙනි.
තරගයෙන් පසු ෆේස්බුක් ලයිව් ප්‍රේක්ෂකයින් අමතමින් තමා අපේක්ෂා කළ දිනුම මෙය නොවූව ද නිරන්තරයෙන් ඔහු දිරිගැන්වූ ලාංකිකයන් වෙත සිය ස්තූතිය පළකළේ ය.
