ලෝකයේ ආහාර මිල අතින් වැඩිම උද්ධමනයක් ඇති රටවල් 10 අතරට ශ්‍රී ලංකාව ද ඇතුළත් කර තිබේ.
ඒ ලෝක බැංකුව විසින් කරන ලද නවතම තක්සේරුවකිනි.
ලොව වැඩිම ආහාර මිල උද්ධමනයක් ඇති රටවල් 10 ලැයිස්තුවේ ශ්‍රී ලංකාව සිටින්නේ 5 වැනි ස්ථානයටයි.
එම ලැයිස්තුවේ ශ්‍රී ලංකාවට ඉහළින් පිළිවෙළින් ලෙබනනය, සිම්බාබ්වේ, වෙනිසියුලාව, තුර්කිය යන රටවල් ලැයිස්තුගත වී ඇත.
ශ්‍රී ලංකාවට පසුව වැඩිම ආහාර මිල උද්ධමනයක් ඇති රටවල් වන්නේ පිළිවෙළින් ඉරානය, ආර්ජන්ටිනාව, සුරිනේමය, ඉතියෝපියාව සහ මෝල්ඩෝවා රාජ්‍යයන් ය.
ඉහළ ආහාර මිල මේ වනවිට ගෝලීය අර්බුදයක් දක්වා උඩුදුවා ඇත.
එය තවත් මිලියන ගණනක් අන්ත දරිද්‍රතාවයට, කුසගින්න සහ මන්දපෝෂණයට තල්ලු කරනු ඇති බව ලෝක බැංකුව මේ පිළිබඳ නිකුත් කළ වාර්තාවේ දැක්වේ.
