ප්‍රබෝධා හෙට්ටිආරච්චි
ලොව විශාලතම තරු නිල් මැණික් පොකුර හෙවත් ආරනූල් මැණික් පොකුරු ගලක් රත්නපුර ප්‍රදේශයේ ගෙවත්තකින් හමුවෙයි.
කුරුවින්ද කුලයට අයත් නිල් ආරනූල් මැණික් ගල් පොකුරක් මෙලෙස හමුවී ඇත.
රත්නපුර නිවසේ ගමගේ නමැති පුද්ගලයකුගේ නිවසේ ළිඳක් හාරමින් සිටි කම්කරුවන් විසින් මෙම ගල සොයා ගෙන ඇත.
මෙම පොකුරු ගලෙහි බර කිලෝග්‍රෑම් 510 ක් වන අතර එය කැරට් මිලියන 2.5 ක් පමණ වනු ඇති බව පැවසේ. එය ‘සෙරන්ඩිපිටි නිල් මැණික්’ ලෙස නම් කර ඇත.
විශේෂඥයන් පවසන්නේ සුදුමැලි නිල් පැහැයෙන් යුත් මෙම ගල ජාත්‍යන්තර වෙළඳපොලේ ඇස්තමේන්තුගත වටිනාකම ඩොලර් මිලියන 100 කට අධික වන බවයි.
“ළිඳ හාරමින් සිටි පුද්ගලයා දුර්ලභ ගල් කිහිපයක් ගැන අපව දැනුවත් කළා. පසුව අපි මෙම දැවැන්ත ගල සොයාගත්තා” ගලෙහි හිමිකරු බීබීසීයට පවසා ඇත.
ආරක්ෂක හේතූන් මත ඔහුගේ සම්පූර්ණ නම හෝ ස්ථානය ප්‍රකාශ නොකෙරේ.
තුන්වන පරම්පරාවේ මැණික් වෙළෙන්දෙකු වන ගමගේ මහතා මෙම සොයා ගැනීම පිළිබඳව බලධාරීන් දැනුවත් කළ නමුත් එය විශ්ලේෂණය කර සහතික කිරීමට පෙර මඩ හා වෙනත් අපද්‍රව්‍ය ඉවත් කිරීමට වැඩි කාලයක් ගත විය.
පිරිසිදු කිරීමේ ක්‍රියාවලියේදී පොකුරු වලින් සමහර ගල් වැටී ඇති බවත් ඒවා උසස් තත්ත්වයේ තරු නිල් මැණික් බව සොයා ගත් බවත්ය.
ශ්‍රී ලංකාවේ මැණික් නගරය වන රත්නපුර යනු දකුණු ආසියාවේ මැණික් අගනුවර ලෙස ද හැඳින්වේ. වෙනත් වටිනා ගල් අතීතයේ දී සොයාගෙන ඇති අතර ලෝක නායකයන් අතර පවා රත්නපුරේ මැණික්වලට ඇත්තේ සුවිශේෂී පිළිගැනීමකි.
ශ්‍රී ලංකාව නිල් මැණික් හා වෙනත් වටිනා මැණික් අපනයනය කරන ප්‍රමුඛ රාජ්‍යයකි.
මැණික් අපනයනය, කැපූ දියමන්ති සහ ස්වර්ණාභරණ මගින් පසුගිය වසරේදී රට ඩොලර් බිලියන භාගයක් පමණ උපයා ගත්තේය.
‘මම මීට පෙර මෙතරම් විශාල පොකුරක් දැක නෑ. මෙය මීට වසර මිලියන 400 කට පමණ පෙර ඇති වූවක් විය හැකි යැයි කීර්තිමත් මැණික් විද්‍යාඥ ආචාර්ය ගාමිනි සොයිසා බීබීසීයට පැවසීය.
කෙසේ වෙතත් විශේෂඥයන් පෙන්වා දෙන්නේ මෙහි ඉහළ කැරට් අගයක් තිබුණද, පොකුර තුළ ඇති සියලුම ගල් උසස් තත්ත්වයේ නොවිය හැකි බවයි.
කර්මාන්තයේ නියුතු අය බලාපොරොත්තු වන්නේ ‘සෙරන්ඩිපිටි ස්ටෝන්’ දැන් ජාත්‍යන්තර ගැනුම්කරුවන් සහ විශේෂඥයින් ආකර්ෂණය කර ගනු ඇති බවයි.
එය විශේෂ ආරනූල් මැණික් නිදර්ශකයක් වන අතර එය බොහෝ විට ලෝකයේ විශාලතම පොකුර විය හැක.
