තමා අධිකරණ අමාත්‍යවරයා ලෙස කටයුතු කරනතාක් විහාර හා දේවාලගම් පනත අහෝසි කිරීමට හෝ එම පනතට සංශෝධන සිදු කිරීමට කටයුතු නොකරන බව අධිකරණ අමාත්‍ය අලි සබ්‍රි මහතා අවධාරණය කර සිටී
අද (25) කොළඹදී පැවති මාධ්‍ය හමුවකදී අදහස් දක්වමින් ඔහු මේ බව සඳහන් කළේය .
ශ්‍රී ලංකාව යනු වසර 2500 ක ඉතිහාසයක් සහිත, බෞද්ධ ශිෂ්ටාචාරය මත පදනම් වූ රටක් බවත් එවැනි රටක පාරම්පරික අයිතිවාසිකම්වලට එරෙහිව නීති ගෙන ඒමට තරම් තමා මෝඩයෙකු නොවන බවත් අධිකරණ ඇමතිවරයා මෙහිදී පැවසීය
ඔහු වැඩිදුරටත් සඳහන් කළේ මුස්ලිම් විවාහ නීතියට අදාල සංශෝධන මේ වනවිටත් කැබිනට් මණ්ඩලයේ අනුමැතිය සඳහා ඉදිරිපත් කර ඇති බවය.
