මහත් ආන්දෝලනයකට තුඩුදුන් ශ්‍රී ලංකාව සමඟ ඩොලර් මිලියන 480ක් ප්‍රදාන සහිත සහශ්‍ර අභියෝගතා ගිවිසුම (එම්.සී.සී.) අත්හිටුවීමට තීරණය කර තිබේ.
එම්.සී.සී. අධ්‍යක්ෂ මණ්ඩලයේ ඊයේ (15) පැවති කාර්තුමය රැස්වීමේදී මෙම තීරණයට එළඹ ඇත.
එම්.සී.සී. අද (16) නිවේදනයක් නිකුත් කරමින් කියා සිටියේ ශ්‍රී ලංකාව සමඟ යෝජිත ගිවිසුම අත්හිටුවීමට තීරණය කර ඇති බවයි.
ආර්ථික වර්ධනය තුළින් දරිද්‍රතාවය අවම කිරීමේ අරමුණින් ශ්‍රී ලංකා රජය සමඟ පස් අවුරුදු ඩොලර් මිලියන 480 ක ගිවිසුමක් සඳහා මිලේනියම් අභියෝගතා සංස්ථාවේ අධ්‍යක්ෂ මණ්ඩලය 2019 දී අනුමත කර තිබුණි.
ආර්ථික වර්ධනයට රටේ ඇති බාධක දෙකක් විසඳීම සඳහා ශ්‍රී ලංකා රජයට සහාය වීමට එම ගිවිසුම උත්සාහ කළේය.
ප්‍රමාණවත් නොවන ප්‍රවාහන සැපයුම් යටිතල පහසුකම් සහ සැලසුම්; සහ කෘෂිකර්මාන්තය, සේවා අංශය සහ කාර්මික ආයෝජකයින් සඳහා ඉඩම් සඳහා ප්‍රවේශය නොමැතිකම ආදි ක්ෂේත්‍ර උදෙසා මෙම ගිවිසුම සකස් කර තිබුණි.
