අගමැතිවරයා සම්බන්ධයෙන් මෑත කාලයේදී යම් යම් ප්‍රකාශ සිදුකළ ශිරාස් යුනුස් මහතා අග්‍රාමාත්‍ය කාර්යාලයේ කිසිඳු තනතුරක් ලබා දී නොමැති බවට එම කාර්යාලය නිවේදනය කර තිබේ.
අග්‍රාමාත්‍ය මහින්ද රාජපක්ෂ මහතාගේ මුස්ලිම් කටයුතු පිළිබඳ සම්බන්ධීකරණ ලේකම්වරයා ලෙස පෙනී සිටිමින් ඔහු පසුගියදා සමාජ මාධ්‍ය ඔස්සේ කළ ප්‍රකාශ තුළ යම් මතභේදයට තුඩුදීමට හේතුවන කරුණු ඇතුළත් වී තිබුණි.
කෙසේවෙතත් ඔහු විසින් කරන ලද ප්‍රකාශ අගමැතිවරයා හෝ අගමැති කාර්යාලය අනුමත නොකරන බව ද එම නිවේදනයේ දැක්වේ.
අගමැති කාර්යාලය නිකුත් කළ නිවේදනයේ මෙසේ ද දැක්වේ.
“ශිරාස් යුනුස් (Shiraz Yunus) මහතාට අග්‍රාමාත්‍ය කාර්යාලයේ කිසිඳු තනතුරක් ලබා දී නොමැත
ශිරාස් යුනුස් (Shiraz Yunus) මහතා ගරු අග්‍රාමාත්‍යතුමාගේ සම්බන්ධීකරණ ලේකම්වරයෙකු ලෙස කටයුතු නොකරන, අතර එවැනි තනතුරක් අග්‍රාමාත්‍ය කාර්යාලය විසින් ලබා දී නොමැති බව මෙයින් දන්වා සිටිමි.
ශිරාස් යුනුස් (Shiraz Yunus) මහතා විසින්, ගරු අග්‍රාමාත්‍යතුමාගේ මුස්ලිම් කටයුතු පිළිබඳ සම්බන්ධීකරණ ලේකම්වරයා ලෙස කටයුතු කරන බව පවසමින් සිදු කරන ප්‍රකාශ සම්බන්ධයෙන් අග්‍රාමාත්‍ය කාර්යාලයේ කිසිඳු සම්බන්ධයක් නොමැති බව ද මෙයින් ප්‍රකාශ කරමි.
එසේම, ඔහු හට කිසිඳු ආකාරයේ තනතුරක් අග්‍රාමාත්‍ය කාර්යාලය විසින් ලබා දී නොමැත.
ඔහුගේ ප්‍රකාශ සම්පූර්ණයෙන්ම පුද්ගලික වන අතර වත්මන් අග්‍රාමාත්‍යතුමා හෝ අග්‍රාමාත්‍ය කාර්යාලය එම අදහස් අනුමත නොකරන බවද වැඩිදුරටත් දන්වා සිටිමි.
රොහාන් වැලිවිට,
අග්‍රාමාත්‍ය මාධ්‍ය ලේකම්”
මේ අතර ශිරාස් යුනූස් මහතා ද මෙම නිවේදනය සම්බන්ධයෙන් සිය සමාජ ජාල ගිණුම් පහත වීඩියෝව පළ කර ඇත.
