සංචරණ සීමා ලිහිල් කිරීමේදී ලොව පුරා සියලුම රටවල් එය පියවරෙන් පියවර ඉතා ප්‍රවේශමෙන් සිදුකල යුතු බව ලෝක සෞඛ්‍ය සංවිධානය අවධාරණය කර සිටී
මෙම සීමා හේතුවෙන් බොහෝ පුද්ගලයින් ආර්ථික, සමාජීය සහ මානසික වශයෙන් දැඩි පසුබෑමකට ලක්ව සිටින බැවින් පාලකයින් ඉවසීමෙන් කටයුතු කිරීම ඉතා වැදගත් බවද ලෝක සෞඛ්‍ය සංවිධානයේ සෞඛ්‍ය සේවා හදිසි අවස්ථා වැඩසටහනේ විධායක අධ්‍යක්ෂ වෛද්‍ය මයික් රයන් මහතා සඳහන් කර සිටී .
කොරෝනා වෛරසයට එරෙහිව නිසි ප්‍රතිකාරයක් සොයා ගන්නා තෙක් සුපුරුදු ජිවන ක්‍රමයෙන් බැහැරව සිටීමට ලොව සියලු දෙනාටම සිදුවෙන බවද රයන් මහතා ජාත්‍යන්තර මාධ්‍ය හමුවේ සඳහන් කර ඇත.
ලෝක සෞඛ්‍ය සංවිධානයේ පැවසුවේ කොරෝනා වෛරස් එන්නතක් නිපදවන තෙක් ලොව පුරා ජනතාවගේ ජීවිත “සැලකිය යුතු වෙනස් කිරීමකට” සිදුවෙනු ඇති බවයි.
දැඩි අවධානම් සහිත ප්‍රදේශවල අර්ධ ලෙස පාසැල්, කාර්යාල විවෘත කිරීමේදී වැඩි අවධානයක් යොමු කිරීම ඉතා වැදගත් බවත් ප්‍රසංග සහ ක්‍රීඩා තරග වැනි දෑ යලි පැවැත්වීම මේ අවස්ථාවේදී උචිත නොවන බවත් රයන් මහතා වැඩිදුරටත් සඳහන් කර ඇත.
