නිවාස හා ඉදිකිරීම් අමාත්‍ය සජිත් ප්‍රේමදාස මහතා විසින් තම නිල සමාජ ජාල ගිණුම් ඔස්සේ තම අධ්‍යාපන සුදුසුකම් පිළිබඳ තහවුරු වන ඡායාරූප කිහිපයක් මුදාහැර තිබේ.
ඒ මේ දිනවල ඔහුගේ අධ්‍යාපන සුදුසුකම් සම්බන්ධයෙන් සමාජය තුළ මතුව ඇති කතාබහට පිළිතුරු වශයෙනි. කෙසේවෙතත් අපොස සාමාන්‍ය පෙළ විභාග සහතිකය ඉදිරිපත් කරන ලෙස සමාජ මාධ්‍ය ඔස්සේ සජිත් ප්‍රේමදාස මහතා වෙත විවේචනාත්මක ඉල්ලීම් ද ඉදිරිපත්ව තිබේ.
මේ අනුව එංගලන්තයේ මිල්හිල් විද්‍යාලයේ ක්‍රීඩා, නායකත්ව හා අධ්‍යාපන යන අංශවලින් දක්ෂතා දැක්වූ ආකාරයත් උසස් අධ්‍යාපන හා උපාධි සඳහා තේරීපත්වීම දක්වාත් පහත කරුණු සමගින් අමාත්‍යවරයා ඡායාරූප මුදාහැර තිබුණේ මෙසේය.
1986 වසරේදී එක්සත් රාජධානියේ මිල්හිල් විද්‍යාලයේ ක්‍රිකට් කණ්ඩායමේ නායකත්වයේ අභියෝගය භාර ගැනීම.
එක්සත් රාජධානියේ මිල්හිල් විද්‍යාලයේ 1985 වසරේ ප්‍රමුඛ ක්‍රිකට් කණ්ඩායම තුන්වන වරටත් නියෝජනය කිරීම හා එම කණ්ඩායමේ ලේකම් ධූරයට පත්වීම.
1984 වසරේ දී එක්සත් රාජධානියේ මිල්හිල් විද්‍යාලයේ ප්‍රමුඛ ක්‍රිකට් කණ්ඩායම දෙවන වරටත් නියෝජනය කරමින් හා කොලින්සන් නිවාසයේ ශිෂ්‍ය නායකයකු වීම.
එක්සත් රාජධානියේ මිල්හිල් විද්‍යාලයේ 1985 වසරේ පාසල් ශිෂ්‍ය නායක තනතුරට පත්වීම.
එක්සත් රාජධානියේ මිල්හිල් විද්‍යාලයේ 1986 වසරේ උසස් පෙළ ව්‍යාපාර අධ්‍යයනය හා දේශපාලන විද්‍යාව යන විෂයන් දෙකටම සම්මාන ලබා ගැනීම.
1986 වසරේදී එක්සත් රාජධානියේ මිල්හිල් විද්‍යාලයේ ක්‍රිකට් කණ්ඩායමේ නායකත්වයේ අභියෝගය භාර ගැනීමත් 1986 වසරේ උසස් පෙළ ව්‍යාපාර අධ්‍යයනය හා දේශපාලන විද්‍යාව” යන විෂයන් දෙකටම සම්මාන ලබා ගනිමින් අධ්‍යාපනයෙන්දක්ෂතා දක්වා උපාධි පාඨමාලාව හැදෑරීම සදහා London School of Economics විශ්ව විද්‍යාලයට අතුලත් විය.
