දම්පත් රණසිංහ
ජනාධිපති ගෝඨාභය රාජපක්ෂ මහතා අද සිය මංගල විදෙස් සංචාරය සඳහා ඉන්දියාවට ගියේ සාමාන්‍ය ගුවන් මගියකු ලෙස සෙසු මගීන් සමග පොදු පර්‍යන්තයෙන් පිටත්ව මගී ගුවන් යානයකිනි.
මීට පෙර මෙරට සිටි සෑම ජනාධිපතිවරයකුම විශේෂ පර්‍යන්තයෙන් VVIP යානයකින් විශේෂ වරප්‍රසාදය භුක්ති විඳිමින් විදෙස් සංචාරවල නිරත වුණි.
ජනාධිපති ගෝඨාභය රාජපක්ෂ මහතා කටුනායක ගුවන්තොටුපළ වෙත පැමිණ ඇත්තේද සිය රථය හා ආරක්ෂක රථ දෙකකින් පමණි.
කිසිදු ස්ථානයක දී මාර්ගය වසා නොතබමින් සෙසු මගීන් මෙන්ම වාහන තදබදවලට පවා මුහුණදෙමින් හෙතෙම පැමිණීම බොහෝ ජනතාවගේ ප්‍රශංසාවට ලක්ව තිබේ.
ඉන්දීය අගමැති නරේන්ද්‍ර මෝදිගේ ආරාධනාවක් අනුව ජනාධිපතිවරයා දෙදින නිල සංචාරයක් බලා මෙලෙස පිටත්ව ගියේය.
