මේ වනවිට රට තුල වාර්තා වන කෝරෝනා මරණ සෑම එකක්ම සම්බන්ධයෙන් සමාලෝචනයක් සෞඛ්‍ය අමාත්‍යාංශය විසින් සිදුකළ යුතු බව රජයේ වෛද්‍ය නිලධාරීන්ගේ සංගමය අවධාරණය කර සිටී .
මෙම සමාලෝචනය සතියක් වැනි කාලසීමාවක් තුල සිදුකල යුතුව ඇති බවත් එම සංගමය සඳහන් කර ඇත
මෙම සමාලෝචනය සිදුනොවන්නේනම් , ඉදිරියේදී සිදුවන මරණ සම්බන්ධයෙන් වගකීම සෞඛ්‍ය අමාත්‍යාංශය බාරගත යුතු බවත් රජයේ වෛද්‍ය නිලධාරීන්ගේ සංගමයේ සංස්කාරක වෛද්‍ය හරිත අලුත්ගේ මහතා මාධ්‍ය වෙත සඳහන් කර ඇත
මෙහිදී අලුත්ගේ මහතා මෙසේද පැවසීය
” මේ මරණ අතර එකිනෙකට සම්බන්ධයක් තියෙනවාද, එතකොට පෑලියගොඩ – මිනුවන්ගොඩ පොකුරත් එක්ක සෘජු සම්බන්ධයෙක් මේ මරණවලට තියෙනවද, මේ එකක්වත් මේ දක්වා පැහැදිලි වෙලා නෑ. ඒ ගැන සමාලෝචන කල යුත්තේ එම නිසයි ”
සෞඛ්‍ය අමාත්‍යාංශයට අපි ඉතාම ඕනෑකමින් කියනවා එළඹෙන සතිය වෙනකොට මේකට අවශ්‍ය කරන යාන්ත්‍රණය හදන්න. එහෙම නැති වුණොත් මේ සිද්ධ වෙන මරණ වල වගකීම සෞඛ්‍ය අමාත්‍යාංශය බාරගත යුතුයි”
