හයිටි ජනාධිපති ජෝවෙනෙල් මොයිස් ඝාතනය කිරීම සඳහා 28 දෙනෙකුගෙන් සමන්විත විදෙස් හමුදා කණ්ඩායමක් එක්ව ඇතිබව අනාවරණය වී ඇත .
ඊට විශ්‍රාමික කොලොම්බියා හමුදා භටයින් සහ හයිටි සම්භවයක් සහිත ඇමෙරිකානුවන් දෙදෙනෙක් අයත් බව හයිටි බලධාරීන් පවසයි.
ජනාධිපතිවරයා ඝාතනය කිරීමෙන් අනතුරුව පළායාමට තැත්කළ ඉන් වැඩි පිරිසක් අත්අඩංගුවට ගැනීමට හයිටි පොලීසිය සමත්විණි.
එසේ අත්අඩංගුවට ගත් පිරිස සහ සොයාගත් අවි ආයුධ රැසක් මාධ්‍යවේදීන්ට ප්‍රදර්ශනය කිරීමට හයිටි පොලීසිය පියවර ගත්තේය.
17 දෙනෙක් අත්අඩංගුවට ගැනුණු අතර තවත් 8 දෙනෙක් සොයා මෙහෙයුම් ක්‍රියාත්මක වේ. තිදෙනෙක් පොලීසිය සමග සිදුවූ වෙඩි හුවමාරුවේදී මරණයට පත්වී තිබේ.
53 හැවිරිදි වියේ පසුවූ හයිටි ජනාධිපතිවරයාව එම කුලී ඝාතකයින් විසින් පසුගිය බදාදා අලුයම ජනාධිපතිවරයාගේ පෞද්ගලික නිවසේදී ඝාතනය ට ලක්විණි.
ඔහුගේ බිරිඳ එහිදී බරපතළ තුවාල ලැබූ අතර ඇය මේ වනවිට ෆ්ලොරිඩා හි රෝහලක ප්‍රතිකාර ලබයි.
