සංචාරක ක්ෂේත්‍රය තුළ සේවය කරන පුද්ගලයන් වෙත කොවිඩ් මර්දන එන්නත්කරණය අද ආරම්භ වී තිබේ.
ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා පැවසුවේ මිලියන 3කට අධික තරුණ ප්‍රජාවක් සංචාරක ක්ෂේත්‍රය තුළ ඍජුවම කටයුතු කරන බවයි.
“සංචාරක අංශය අපේ ආර්ථිකයේ වැදගත් අංගයක් වන අතර මිලියන 3 කට අධික තරුණ තරුණියන් සෘජුවම සේවයේ යෙදේ. අපගේ ආර්ථිකයට වාර්ෂිකව බිලියන 4 පමණ දායකත්වයක් ද සපයයි. අද අපි මෙම අංශය සඳහා එන්නත් කිරීමේ මෙහෙයුම ආරම්භ කළෙමු! ලෝකය නැවත විවෘත කිරීමට සූදානම් වන විට අපිත් සූදානම් විය යුතුයි!” යැයි ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා පැවසීය.
