වයස අවුරුදු 60ට වැඩි මෙරට පුද්ගලයින් ලක්ෂ 03කට අධික පිරිසක් පමණ එන්නත ලබා ගැනීම මග හැර ඇති බව ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන අනාවරණය කර සිටී
. දෛනික වාර්තාවන කොරෝනා මරණවල වැඩි සංඛ්‍යාවක් සිටින්නේ එලෙස කොරෝනා මර්දන එන්නත ලබා නොගත් පුද්ගලයින් බවද රාජ්‍ය අමාත්‍යවරයා මාධ්‍ය වෙත සඳහන් කළේය .
මෙහිදී වැඩිදුරටත් අදහස් දැක්වූ ඒ මහතා මෙසේද පැවසීය
“ලංකාවේ ජනගහනයෙන් අටෙන් එකක් පමණ ප්‍රමාණයක් සිටින්නේ , වයස අවුරුදු 60 ට වැඩි ජනතාවයි . එනම් ලක්ෂ 27ක් පමණ . එසේම කොවිඩ් වලින් මිය යන අය සලකා බැලූ විට එයින්75% ක්ම අයත්වන්නේ මේ කියන වයස අවුරුදු 60 ට වැඩි කාන්ඩයටයි .
මේ ලක්ෂ 27 අතුරින් ලක්ෂ තුනක පමණ ප්‍රමාණයක් තවම කොවිඩ් එන්නත ලබාගෙන නැහැ . දැනට කොවිඩ් වලින් මියයන වැඩි ප්‍රමාණයක් මෙම ලක්ෂ තුනක පමණ පිරිස අතරින් තමයි වාර්තා වෙන්නේ
පවතින අවදානම් තත්ත්වය සැලකිල්ලට ගනිමින් වයස අවුරුදු 60ට වැඩි පුද්ගලයින් කොරෝනා මර්දන එන්නත කඩිනමින් ලබා ගත යුතුයි . “
