අසංක නවරත්න
පොලිස් නිලධාරීන් දෙදෙනෙකු අත්අඩංගුවට ගැනීම සඳහා වරකපොල පොලිසිය පරීක්ෂණයක් ආරම්භ කර තිබේ.
ඒ පහරදීමේ සිද්ධියක් සම්බන්ධයෙනි.
රථවාහන වරදක් සම්බන්ධයෙන් 29 වැනිදා රාත්‍රියේ වෑන් රථයකින් ගමන් ගත් පිරිසක් සහ මෝටර් රථයකින් ගමන් ගත් පිරිසක් අතර අබේපුස්ස ප්‍රදේශයේදී ගැටුමක් හටගෙන ඇත.
එහිදී දෙපාර්ශවය අතර ගැටුමක් ඇතිවී තිබේ.
වෑන් රථයේ ගමන් කර ඇත්තේ මූලස්ථාන පොලිස් පරීක්ෂකවරයෙකු, අල්ලස් කොමිසමේ සේවය කරන පොලිස් පරීක්ෂකවරයෙකු සහ මාරවිල පොලිස් ස්ථානයේ රථවාහන අංශයේ ස්ථානාධිපතිවරයා ලෙස කටයුතු කරන උප පොලිස් පරීක්ෂකවරයෙක් බව සඳහන් ය.
ගම්පහ පොලිස් ස්ථානයේ, දුෂණ මර්දන අංශයේ ස්ථානාධිපති ලෙස කටයුතු කරන උප පොලිස් පරීක්ෂකවරයෙකු සහ තවත් සිවිල් පුද්ගලයින් දෙදෙනකු මෝටර් රථය ගමන් කර ඇතැයි පොලිසිය සඳහන් ක‍ළේ ය.
ගුටි බැට හුවමාරුවෙන් අනතුරුව වෑන් රථය පළාගොස් තිබේ.
අනතුරුව මෝටර් රථයේ සිටි පුද්ගලයින් වරකපොල පොලිසියට කරන ලද පැමිණිල්ලකට අනුව වෑන් රථය ගමන් ගත් පොලිස් පරීක්ෂකවරුන් දෙදෙනා අත්අඩංගුවට ගෙන තිබේ.
ඔවුන් වරකපොල මහේස්ත්‍රාත් අධිකරණයට ඉදිරිපත් කිරීමෙන් අනතුරුව අධිකරණ ඇප මත මුදාහැර තිබේ.
