ඉන්දියාවේ වරායන් හා කොළඹ වරාය සම්භන්ධ කරමින් බෝට්ටු සේවයක් යලි ආරම්භ කිරීමට ඉන්දීය රජයේ අවධානය යොමුව ඇත.
ශ්‍රී ලංකා වරාය අධිකාරිය වෙතින්ද මේ සඳහා ඉල්ලීමක් කර ඇති බවත් ඒ පිළිබඳව කරුණු සොයා බැලීම සඳහා කටයුතු කරන බවත් ඉන්දීය රජයේ ප්‍රකාශකයකු එරට මාධ්‍ය වෙත සඳහන් කර ඇත.
මෙලෙස වරාය සම්බන්ධ කරමින් බෝට්ටු හා තොටුපළ සේවාවක් ආරම්භ කිරීමට දෙරටට හැකි නම්, වෙළඳ ක්‍රියාකාරකම් සහ සංචාරක කටයුතු වැඩි කිරීමට පහසු වන බව ඉන්දීය රජයේ ප්‍රකාශකයා මෙහිදී සඳහන් කර ඇත.
2011 දී ඉන්දියාව තුත්තුකුඩි සහ කොළඹ වරායන් අතර තොටුපළ සේවාවක් දියත් කළ නමුත් එය ක්‍රියාත්මක කළ පෞද්ගලික මෙහෙයුම්කරුවන් එය වාණිජමය වශයෙන් වාසිදායක නොවන බව පැවසීමෙන් පසු එය වහාම නතර කරන ලදී.
ඉන්දියානු සාගරයේ පිහිටීම අනුව, ප්‍රධාන, ජාත්‍යන්තර මුහුදු මාර්ගවලට ආසන්නව, ශ්‍රී ලංකාව ගෝලීය සැපයුම් මධ්‍යස්ථානයක් බවට පත් කිරීමේ පුළුල් දැක්මට ගැලපෙනු ඇත . ඉන්දියානු අපනයන-ආනයන බැංකුව සමඟ අත්සන් කළ ගිවිසුමක් මගින් ශ්‍රී ලංකාව මේ වන විට ඩොලර් මිලියන 45.27 ක ඉන්දියානු ආධාර ඇතිව කන්කසන්තුරේ වරාය වැඩිදියුණු කරමින් සිටියි
කොළඹ වරායේ නැගෙනහිර බහාලුම් පර්යන්තය සංවර්ධනය කිරීමේ කටයතු සඳහා ඉන්දියාව ද හවුල්කරුවෙකි. මේ වසරේ මැයි මාසයේදී කොළඹ වරායේ නැගෙනහිර බහාලුම් පර්යන්තය (ECT) ඒකාබද්ධව සංවර්ධනය කිරීම සඳහා ශ්‍රී ලංකාව, ජපානය සහ ඉන්දියාව සහයෝගිතා ගිවිසුමකට අත්සන් තැබූ අතර ඇස්තමේන්තුගත වියදම ඩොලර් මිලියන 700 ක් පමණ වේ.
