දම්පත් රණසිංහ
පාතාල අපරාධකරුවන්ට එරෙහිව පොලිස් විශේෂ කාර්‍ය බළකාය සිය මෙහෙයුම් පුළුල් කිරීමත් සමග සන්නද්ධ පාතාල කල්ලි නායක ඉන්ද්‍රා නමැත්තා ඇතුළු පාතාලයේ ප්‍රබල සාමාජිකයන් 6ක් අත්අඩංගුවට ගෙන තිබේ.
ඒ අතර පොලිස් පරීක්ෂකවරයකු අභිරහස් ලෙස ඝාතනය කළ පාතාල කල්ලි සාමාජිකයෙක් ද බන්ධනාගාරයේ සිට හංවැල්ල, කඩුවෙල ප්‍රදේශයේ ව්‍යාපාරික ආයතනවලින් කප්පම් ගන්නා ඌරුජුවා නමැති පාතාල අපරාධකරුගේ කල්ලියේ සාමාජිකයන් සිටින බව විශේෂ කාර්‍ය බළකා තොරතුරු අනාවරණය කළේය.
පොලිස් විශේෂ කාර්‍ය බළකා අණදෙන නිලධාරී ජ්‍යෙෂ්ඨ නියෝජ්‍ය පොලිස්පති එම්.ආර්.ලතීෆ් මහතා පැවැසුවේ එස්ටීඑෆ් මෙහෙයුම් සහ බුද්ධි අංශයේ වෙනස්කම් කිහිපයක් කරමින් පාතාලයේ අපරාධකරුවන් සහ මත්කුඩු ජාවාරම්කරුවන්ට එරෙහිව මේ වනවිට පුළුල් මෙහෙයුම් දියත් කර ඇති බවයි.
