පැතුම් වික්‍රමරත්න
කොරෝනා වෛරසය දේශපාලනීකරණය නොකළ යුතු බව ලෝක සෞඛ්‍ය සංවිධානයේ අධ්‍යක්ෂ ජනරාල් ටේඩ්රෝස් අඩනම් මහතා අවධාරණය කර සිටී.
ඇමෙරිකානු ජනපති ඩොනල්ඩ් ට්‍රම්ප් , පසුගියදා ලෝක සෞඛ්‍ය සංවිධානයට එරෙහිව නැගු චෝදනාවන්ට පිළිතුරු දෙමින් අධ්‍යක්ෂ ජනරාල් වරයා මේ බව සඳහන් කර ඇත.
එසේ කොරෝනා වෛරසයට අදාළ කරුණු දේශපාලනීකරණය කළහොත් සිදුවන්නේ තවදුරටත් මිනිසුන් අකාලයේ මියයාම වන බවත් ,අධ්‍යක්ෂ ජනරාල්වරයා ජිනීවා හිදී පැවති මාධ්‍ය හමුවකදී අවධාරණය කර සිටියේය .
කොරෝනා අර්බුදයෙන් මිදීම සඳහා රටක් තුල එකමුතුකම හාඑක්සත්භාවය පැවැතිය යුතු බවත් ජනරාල්වරයා පැවසීය .
ට්‍රම්ප් ජනපතිවරයා ඉදිරිපත්කල චෝදනා ප්‍රතික්ෂේප කල ජනරාල්වරයා සඳහන් කලේ ලෝක සෞඛ්‍ය සංවිධානය සාධාරණව හා අපක්ෂපාතීව කටයුතු කල බවයි .
එසේම තවදුරටත් මෙම වෛරසයෙන් ලෝකය ගලවා ගැනීම සඳහා හැකි උපරිමයෙන් කටයුතු කරන බවත් , ජනරාල්වරයා මෙහිදී සඳහන් කර ඇත.
ලෝක සෞඛ්‍ය සංවිධානයට ලබාදෙන ආධාර නතර කිරීම මේ මොහොතේ සුදුසු ක්‍රියාවක් නොවන බවද අධ්‍යක්ෂ ජනරාල්වරයා මෙහීදී සිහිපත් කර ඇත .
