BREAKING NEWSEXPRESS RESEARCH


Share now!

මෙරට තුළ වෙසෙන ස්ත්‍රීන් හා පුරුෂයන් ආර්ථික වශයෙන් ක්‍රියාශීලී නොවීමට හේතු අනාවරණය කරගැනීමට ජන හා සංඛ්‍යාලේඛන දෙපාර්තමේන්තුව විසින් සිදුකරන ලද නවතම සමීක්ෂණයකින් හැකියාව ලැබී තිබේ.

ඒ 2020 වසරේදී කරන ලද ශ්‍රම බල සමීක්ෂණය ඔස්සේ ය.

මෙම සමීක්ෂණයට අනුව තමන් ආර්ථික වශයෙන් ක්‍රියාශීලී නොවීමට ප්‍රධාන හේතූන් දෙක ලෙස පුරුෂ පාර්ශවයත් ස්ත්‍රී පාර්ශ්වයත් දක්වා ඇත්තේ වෙනස් කරුණු බව පෙනෙන්නට තිබේ.

ඒ අනුව තමන් ආර්ථික වශයෙන් ක්‍රියාශීලී නොවීමට ප්‍රධාන හේතූන් දෙක ලෙස පුරුෂ පාර්ශවය දක්වන්නේ අධ්‍යාපන කටයුතු වල නිරත වීම හා විශ්‍රාමික/ වයස්ගත බවට පත්වීමයි.

ආර්ථික වශයෙන් ක්‍රියාශීලී නොවන පිරිමින්ගෙන් පිළිවෙලින් 39%ක් හා 34%ක් වශයෙන් ඊට ඇතුළත් බව එම සමීක්ෂණයෙන් අනාවරණය වී ඇත.

කෙසේ නමුත්, තමන් ආර්ථික වශයෙන් ක්‍රියාශීලී නොවීමට ප්‍රධාන හේතුව ලෙස කාන්තා පාර්ශවය දක්වන්නේ ගෘහ කටයුතුවල නිරත වීම ය.

ඒ අනුව ආර්ථික වශයෙන් ක්‍රියාශීලී නොවන කාන්තාවන්ගෙන් 60%ක් ඊට ඇතුළත් වී ඇත.

මෙයින් පෙනී යන කරුණක් වන්නේ ශ්‍රී ලංකාව තුළ ගෘහ කටයුතු බොහෝ දුරට කාන්තාවන්ටම වෙන් වී ඇති කාර්යයක් බව ජන හා සංඛ්‍යාලේඛන දෙපාර්තමේන්තුව පවසයි.