ඉන්දීය ණය පහසුකම් යටතේ ,ශ්රී ලංකාවට කිසිදු ආකාරයේ ජල ප්රහාරක රථයක් ලබාදී නොමැති බවත් ඒ පිළිබඳව පලවන වාර්තා සම්පූර්ණයෙන්ම අසත්ය බවත් මෙරට ඉන්දීය මහ කොමසාරිස් කාර්යාලය නිවේදනයක් නිකුත් කරමින් අවධාරණය කර සිටී .
මෙම ඉන්දීය ණය පහසුකම් යටතේ ඉදිරියටත් , ශ්රී ලංකාවට ජල ප්රහාරක රථ සැපයීමක් කිසිදු ආකාරයකින් සිදුනොවන බව ද මහ කොමසාරිස් කාර්යාලය මෙහිදී සඳහන් කර ඇත .
ඉන්දියාව විසින් මේ වනවිට අත්යවශ්ය ද්රව්ය මිලදී ගැනීම සඳහා මෙරටට ලබා දී ඇති ණය පහසුකම අමෙරිකානු ඩොලර් බිලියනයක් වන බවද මෙහි දැක්වේ.
එම පහසුකම යටතේ ආහාර, ඖෂධ සහ මෙරට පවතින වත්මන් තත්ත්වය හමුවේ ඉල්ලා සිටින අත්යවශ්ය ද්රව්ය පමණක් ශ්රී ලංකාවට ලබාදෙන බව කොළඹ ඉන්දිය මහ කොමසාරිස් කාර්යාලය නිකුත් කල නිවේදනයේ වැඩිදුරටත් දැක්වේ .
