රුසියාව සැමවිටම ශ්‍රී ලංකාවේ සමීප මිතුරෙකු ලෙස කටයුතු කරන බවත් දෙරටෙහි ජනතාව අතර ඇති අන්‍යොන්‍ය අවබෝධය ඊට ප්‍රධාන හේතුවක් වන බවත් මෙරට රුසියානු කේන්ද්‍රයේ අධ්‍යක්‍ෂිකා හා රුසියානු තානාපති කාර්යාලයේ ප්‍රධාන ලේකම් අනස්තාසියා මහත්මිය අවධාරණය කර සිටී.
ශ්‍රී ලාංකීය ජනතාව හා රුසියානු සාහිත්‍ය අතර ඇති සමීප සබඳතාව , දෙරට අතර බැඳීම් ශක්තිමත් කිරීමට ඉවහල්ව ඇති බවද අනස්තාසියා මහත්මිය සඳහන් කලාය.
“රුසියාව” සඟරාවේ පනස්වන කලාපය නිකුත් කිරීම නිමිත්තෙන් කොළඹ රුසියානු කේන්ද්‍රයේදී පසුගියදා පවතී උත්සවයකට එක්වෙමින් ඇය මේ බව පැවසුවාය.
රුසියානු විශ්වවිද්‍යාලවල අධ්‍යාපනය ලත් ශ්‍රී ලාංකිකයින් රාශියක් මේ වනවිට ශ්‍රී ලංකාව පුරා ඉහල තනතුරු දරමින් කටයුතු කරන බවත් , ඔවුන් ද දෙරට අතර සබඳතා ශක්තිමත් කරන පාලමක් ලෙස සැලකිය හැකි බවත් ඇය මෙහිදී සඳහන් කලාය.
මෙම අවස්ථාවට මෙරට රුසියානු තානාපතියුරි මතෙරි මහතා , රුසියානු කේන්ද්‍රයේ විධායක නිලධාරී බුද්ධප්‍රිය රාමනායක , රුසියාවේ හිටපු ශ්‍රී ලංකා තානාපති වෛද්‍ය සමන් වීරසිංහ මහතා , රුසියාව සඟරාවේ සංස්කාරක සරත් ලාල් කුමාර මහතා ඇතුළු පිරිසක් එක්විය
