නව පාර්ලිමේන්තුවේ පොදු ව්‍යාපාර පිළිබඳ කාරක සභාව හෙවත් කෝප් කමිටුවේ පළමු රැස්වීම ලබන 22 දා පස්වරු 2.30 ට ආරම්භ වීමට නියමිතය .
එහිදී කාරකසභාවල සාමාජික මන්ත්‍රීවරුන් අතරින් සභාපතිවරයා තෝරා ගැනීමට නියමිත අතර ඉන් අනතුරුව කාරක සභා හමුවට කැඳවනු ලබන රාජ්‍ය ආයතන තීරණය කිරීම සිදු කරන බව පාර්ලිමේන්තු මාධ්‍ය අංශය සඳහන් කළේ ය.
පාර්ලිමේන්තුවේ පොදු ව්‍යාපාර පිළිබඳ කාරක සභාව සහ රාජ්‍ය ගිණුම් කාරක සභාව සාමාජික මන්ත්‍රීවරුන් 22 කුගෙන් සමන්විත ය.
පොදු ව්‍යාපාර පිළිබඳ කාරක සභාව වෙත රාජ්‍ය සංස්ථාවල සහ රජය යටතේ ඇති වෙනත් ව්‍යාපාරවල මූල්‍ය ක්‍රියාකාරීත්වය අධීක්ෂණය කිරීමේ බලය හිමිව තිබේ.
