කොරෝනා වෛරසයේ ව්‍යාප්තිය පාලනය කිරීම සඳහා ඉදිරි සති කිහිපය තුළ විධිමත් ක්‍රියාමාර්ගයන් නොගතහොත් අර්බුද හා ගැටුම් සහිත දිළිඳු රටවල් 34 ක, මිලියන තුනකට ආසන්න පිරිසක් මරුමුවට පත්විය හැකි බව ජාත්‍යන්තර ගලවාගැනීමේ කමිටුව ( International Rescue Committee ) අනතුරු අඟවා සිටී .
එසේම මෙම රටවල බිලියනයකට ආසන්න පිරිසකට කොරෝනා වෛරසය අසාධනය වීමේ අවධානමක් පවතින බවද එම ජාත්‍යන්තර කමිටුව සඳහන් කර ඇත.
ඇෆ්ගනිස්තානය , සිරියාව , යේමනය වැනි ගැටුම්කාරී හා ආර්ථික වශයෙන් පහල මට්ටමක පවතින රටවල් 34 ක් මෙහිදී එම කමිටුව විසින් හඳුනාගෙන ඇති අතර , මෙම රටවල ඉදිරියේදී කොරෝනා ව්යාප්තියා ඉතා වේගවත් විය හැකි බවටද එම ආයතන අනුමාන කර ඇත.
එවැනි රටවල් බොහොමයක කොරෝනා වෛරස ව්‍යාප්තිය තවමත් ඇත්තේ ආරම්භක අවස්ථාවේ වන බවත් එහි ව්‍යාප්තිය පුළුල් වීමත් සමග එම රටවල ජනතාවට අර්බුද රැසකට මුහුණදීමට සිදුවනු ඇති බවත් කමිටුව සඳහන් කර ඇත.
ඒ අනුව කොරෝනා වසංගතයට එරෙහිව සටන් වැදීම සඳහා මෙම රටවල්වලට ආධාර ලබාදීමට ජාත්‍යන්තර ප්‍රජාව එක්විය යුතුව ඇති බවද ජාත්‍යන්තර ගලවා ගැනීමේ කමිටුවේ සභාපති ඩේවිඩ් මිලිබෑන්ඩ් මහතා මාධ්‍ය වෙත සඳහන් කර ඇත.
