කොවිඞ් 19 වසංගත තත්ත්වය පාලනය වන තෙක් පොදු ප්රවාහන සේවා සෞඛ්‍යාරක්‍ෂිතව හා විධිමත්ව පවත්වාගෙන යාම සදහා කාර්ය සාධක බලකායක් පත්කිරීමට මගී ප්රවාහන සහ විදුලිබල හා බලශක්ති අමාත්‍යාංශය පියවර ගෙන ඇත.
ප්රවාහන සේවා කළමනාකරණ කාර්යය සාධක බලකාය ලෙස නම් කර ති මෙහි සභාපතිවරා ලෙස අමාත්‍යාංශ ලේකම් ගාමිණී සෙනවිරත්න මහතා පත් කර ඇත.
මෙම කාර්ය සාධක බලකායේ ලේකම්වරයා වශයෙන් අමාත්‍යාංශයේ අතිරේක ලේකම් ජේ. ඒම්. තිලකරත්න බණ්ඩා පත්කර ඇති අතර එය සාමාජිකයින් 21 දෙනෙකුගෙන් සමන්විතය.
සියලූම පොදු ප්රවාහන සේවාවන් මනාව සැලසුම් කිරීම, සෞඛ්‍ය අංශ ලබාදී ඇති උපදෙස් ක‍්‍රියාත්මක කිරීම, මෙහෙයවීම, නියාමනය හා බලාත්මක කිරීම යන කරුණු සඳහා මෙම ප‍්‍රවාහණ සේවා කළමනාකරණ කාර්ය සාධක බලකාය පත් කර ඇත
කොවිඞ් 19 වසංගත තත්ත්වය අවසන් වන තෙක් ජනතාව වෙත හිරිහැරයක් හෝ බාධකයක් ඇති නොවන පරිදි ප්රවාහන සේවාවන් පවත්වාගෙන යාමත්, සෞඛ්‍ය අංශ විසින් ලබා දී ඇති උපදෙස් නිසි පරිදි ක‍්‍රියාත්මක කිරීම තුළින් පොදු ප්රවාහන සේවා ඔස්සේ කොවිඞ් 19 ව්‍යාප්තවීම වැළැක්වීමත් මෙම බලකාය පත්කිරීමේ අරමුණු බව ද අමාත්‍යාංශය සඳහන් කර සිටී
