නාවලපිටියේදී පාසල් සිසුන් දෙදෙනෙක් පසුගිය සෙනසුරාදා දුම්රිය ගැටී මිය යාම මේ වන විට සමාජයේ දැඩි කථාබහකට ලක්ව ඇත.
මහනුවර සිට ඇල්ල බලා ධාවනය වෙමින් තිබුණු දුම්රියක එම සිසුන් දෙදෙනා ගැටෙන අතර පරීක්ෂණවලින් හෙළිවී ඇත්තේ එක් සිසුවියක් ජංගම දුරකතනය ක්‍රියාත්මක කරමින් දුම්රිය මාර්ගයේ ගමන් කරමින් සිටියදී එම සිසුවිය දුම්රියේ ගැටීම වැලක්වා ගැනීමට ගොස් සිසුවාත් සිසුවියත් දුම්රියේ ගැටී ඇති බවය.
දුම්රිය ආරක්ෂක අධිකාරී අනුර ප්‍රේමරත්න පවසන්නේ මෙම වසරේ ගෙවී ගිය මාස දෙකක කාලය තුළදී පමණක් දුම්රියේ ගැටී 67 දෙනෙක් මියගොස් ඇති බවය.
දුම්රිය අනතුරුවලින් රටේ වැඩි පිරිසක් මරණයට පත්වන්නේ දුම්රිය මාර්ගයේ ගමන් කිරීමේදීය.
වැඩිම පිරිසක් දුම්රිය මාර්ගයේ මිය යන ස්ථානය ලෙස හදුනාගෙන ඇත්තේ කොල්ලුපිටියත් බම්බලපිටියත් අතර කොටසය.
එම මාර්ග කොටස මගීන්ට ගමන් කරන්නට නොහැකි වන ලෙස දැල් ආවරණ යොදන්නටද මේ වන විට දුම්රිය බලධාරීන්ගේ අවධානය යොමු වී හමාරය.
අනාරක්ෂිත දුම්රිය පිවිසුම් මාර්ග වලදී වාහන ගැටීමෙනුත් දුම්රිය මාර්ගයේ ගමන් කිරීමේදි දුම්රියේ ගැටීමෙනුත් පසුගිය දස වසර තුළ අපේ රටේ ජීවිත 2011ක් විනාශ වී ඇති ආකාරය පොලිස් මූලස්ථා සංඛ්‍යා දත්ත විශ්ලේෂණයෙන් පෙනී යන්නේ මෙසේය.
මූලාශ්‍ර – පොලිස් මූලස්ථානය
දම්පත් රණසිංහ
