ඉදිරි මහමැතිවරණය වෙනුවෙන් තම ඡන්ද ප්‍රචාරණය සඳහා පරිසර හිතකාමී, පැළ කිරීමට හැකි, එළවළු ඇට සහිත මනාප අංකය සඳහන් කළ කාඩ්පතක් භාවිත කිරීමට තීරණය කළ බව පාර්ලිමේන්තු මන්ත්‍රී උදය ගම්මන්පිල මහතා පවසයි.
ඔහු පෙන්වා දෙන්නේ ආක්‍රමණශීලී ශාක මගින් මෙම කඩදාසි නිපදවා ඇති බැවින් එමගින් ආක්‍රමණශීලී ශාකවලින් සිදුවන හානිය අවම කොට වස විසෙන් තොර එළවළු බෝග ලබාගැනීමේ අවස්ථාවද ජනතාවට උදා කරන බවයි.
එමෙන්ම එම කාඩ් පත මුළුමනින්ම එළවළු ඇට ඇතුලත් කොට නිර්මාණය කිරීම හේතුවෙන් ඒම කාඩ්පත පැළ කිරීම මගින් එළවළු බෝග ලබාගත හැකි බවද හෙතෙම අවධාරණය කළේය.
“ඉදිරි මැතිවරණයේදී මාගේ ප්‍රචාරක කටයුතු සඳහා යොදා ගන්නා මනාප අංකය සඳහන් කාඩ්පත් මුද්‍රණය කරන්නේ ආක්‍රමණශීලි ශාඛවලින් නිපදවනු ලබන කඩදාසි යොදාගෙනයි. ඒ වගේම මෙම කඩදාසිය එලවළු බීජ අන්තර්ගත කර නිපදවා තිබෙන නිසා කාඩ්පත පැල කිරීමට පුළුවන්” යැයි හෙතෙම අද පැවැති මාධ්‍ය හමුවක දී අවධාරණය කළේය.
