ශ්‍රී ලංකාවේ එන්නත්කරණ වැඩසටහන ලබන නොවැම්බර් මාසය වනවිට සම්පූර්ණ කිරීමට හැකිවෙනු ඇතැයි සෞඛ්‍ය අංශ විශ්වාසය පළ කර සිටී . .
මෙරට වයස අවුරුදු 30 ට වැඩි ජනගහනය වන එක් කෝටි හැත්තෑ ලක්ෂයකට ආසන්න පිරිසකට එන්නත ලබාදීමට සැලසුම් කර ඇති අතර ඔවුන්ට එන්නත් මාත්‍රා 02 ම ලබාදීම සඳහා එන්නත් මාත්‍රා තුන්කෝටි හතලිස් ලක්ෂයකට ආසන්න සංඛ්‍යාවක් අවශ්‍ය වේ.
මේ දක්වා එන්නත් මාත්‍රා එක් කෝටි විසිහය ලක්ෂයක් පමණ මෙරටට ලැබී ඇති බව සෞඛ්‍ය අංශ පවසන අතර . ඒ අනුව තවත් එන්නත් මාත්‍රා කෝටි 02 කට ආසන්න සංඛ්‍යාවක් මෙරටට ලබාගත යුතු ව ඇත ..
මේවනවිට ලොව පිළිගත් එන්නත් වර්ග 5 ක්ම මෙරට ජනතාවට ලබාදීම ආරම්භ කර තිබෙන අතර ඒ, ඇස්ට්‍රාසෙනිකා, සයිනොෆාම්, ස්පුට්නික්, ෆයිසර් සහ මොඩර්නා වශයෙනි කෙසේවෙතත් . රුසියාවේ යළිත් මතුව ඇති කොරෝනා අවදානම හේතුවෙන් එරටින් ලැබෙන ස්පුට්නික් එන්නත් මෙරටට ලැබීම තරමක් ප්‍රමාද වී ඇත .
කෙසේවෙතත්, ස්පුට්නික් එන්නත් ලබාගැනීම සඳහා මේවනවිටත් ඇනවුම් කර ඇති බව සෞඛ්‍ය අංශ පවසන්නේ. දෙවන මාත්‍රාව ලබා දීමට හිග වී ඇති ඇස්ට්‍රාසෙනිකා එන්නත් ද ලබන සතියේදී මෙරටට ලැබෙනු ඇති බවට ද විශ්වාසය පළවේ .
මේවනවිටත් මෙරට ජනගහනයෙන් පුද්ගලයින් හැටපන් ලක්ෂ 42,000 කට අධික පිරිසකට කුමන හෝ එන්නතක පළමු මාත්‍රාව හෝ ලබාදී අවසන්. මාත්‍රා 02 ම සම්පූර්ණ කර ඇති සමස්ථ පුද්ගලයින් සංඛ්‍යාව දාහත් ලක්ෂ 36,000කට අධික බව වසංගත රෝග විද්‍යා අංශය පැවසුවේය .
