විදුලිබල මණ්ඩලයට සහ ලංකා විදුලි පෞද්ගලික සමාගමට අවශ්‍ය වන එකලා විදුලි මීටර් මෙරට තුළ නිෂ්පාදනය කරන ANTE LECO මීටර් නිෂ්පාදන සමාගම මේ වසරේ සිට තෙකලා විදුලි මීටර් සහ සුහුරු විදුලි මීටර නිෂ්පාදනය ආරම්භ කර තිබේ.
ඒ අනුව ඉදිරියේදී මෙරට සම්පුර්ණ එකලා, තෙකලා සහ සුහුරු මීටර් අවශ්‍යතාවය සම්පුර්ණ කිරීමට හැකි වනු ඇති බව එම සමාගම කියයි.
එමෙන්ම විදුලි මීටර් අපනයනය කිරීම දක්වා , තම නිෂ්පාදන ධාරිතාව ඉහල දැමීමට මෙම සමාගම බලාපොරොත්තු වේ.
විදුලිබල මණ්ඩලයට සහ ලංකා විදුලි පෞද්ගලික සමාගමට අවශ්‍ය වන එකලා විදුලි මීටර් 250,000ක ප්‍රමාණයක් වාර්ෂිකව නිපදවනු ලබන්නේ ANTE LECO මීටර් නිෂ්පාදන සමාගම මගිනි.
මෙම වර්ෂයේ සිට එම සමාගම තම සේවාවන් පුළුල් කරමින් තෙකලා විදුලි මීටර් සහ සුහුරු විදුලි මීටර නිෂ්පාදනය ආරම්භ කර ඇත.
ඇන්ටි මීටර් සමුහයේ සභාපතිවරයා, ලංකා විදුලිබල පෞද්ගලික සමාගමේ නිලධාරීන් සහ ANTE LECO මීටරින් සමාගමේ නිලධාරීන් සමග ඉදිරි වැඩපිළිවෙළ සහ නව නිෂ්පාදන හඳුන්වාදීම පිළිබඳව ඊයේ (08) සාකච්ඡා කරන ලදි.
