කොරෝනා වෛරසය ආසාධනය වීමෙන් ඇතිවිය හැකි බරපතල සංකූලතා බොහොමයක් අවම කිරීමට , ඩී විටමිනයට (vitamin D ) හැකියාවක් ඇති බව මේ වනවිට ලොව පුරා සිදුකර ඇති පර්යේෂණ රැසකින් අනාවරණය වී ඇත .
ඒ අනුව ඩී විටමිනය ලබාගත් බොහෝ දෙනෙකුට , කොරෝනා ආසාධනය වුවද ඉන් ඉතා බරපතල මට්ටමේ රෝගාබාධ හට ගැනීම අවම බව පෙන්නුම් කරන්නේයැයි මෙම පර්යේෂණ වල ප්‍රතිඵල අධ්‍යයනය කල විශේෂඥයින් සඳහන් කර ඇත .
මීට අදාලව .සායනික පරීක්‍ෂණ 50ක් පමණ මේ වනවිට සිදු කර ඇති අතර , කොරෝනා ආසාධනය වූ රෝගීන්ටද, ඩී වීටමිනයෙන් අධි මාත්‍රා ලබාදීම හරහා රෝගයේ විවිධ සංකූලතා පාලනය කර ගත හැකි බවද මෙහිදී අනාවරණය වී ඇත .
කෙසේ වෙතත් මෙහිදී වෛරසය ආසාධනය සිදුවූ මුල් අවස්ථාවේදීම, ඩී විටමිනයේ අධි මාත්‍රා ලබාදීම වැදගත් බව පර්යේෂකයින් සදහන් කර ඇත .
ඉන්දියාව , බ්‍රසීලය ,ස්පාන්ඥ්ඥය වැනි රටවල් කිහිපයකම මීට අදාළ සායනික පර්යේෂණ කිහිපයක් මෑතකදීද සිදුකර ඇත .
කොරෝනා ආසාධනය වූ මුල් අවස්ථාවේදීම මෙසේ ඩී විටමිනය ලබාදීම හරහා , මරණ සිදුවීම කැපී පෙනෙන ලෙස පාලනය කර ගත හැකි බවද මෙම පර්යේෂණ වලින් අනාවරණය වී ඇත .
මෙම පර්යේෂණ වල ප්‍රතිඵල මේ වනවිට ලොව පුරා පිළිගත් වෛද්‍ය සඟරා හා අන්ත්ර්ජාප ප්‍රකාශන වල ප්‍රසිද්ධියට පත්කර ඇත .
එම සායනික පර්යේෂණ පිළිබඳව පළවූ අන්තර්ජාල ප්‍රකාශන කිහිපයක් පහත දැක්වේ
බ්‍රසීලයේ කල අහඹු සායනික පර්යේෂනය (Murai et al, 2021),
ඉන්දියාවේ කල අහඹු සායනික පර්යේෂනය (Rastogi, et al, 2020 ; Lakkireddy, 2021),
ස්පාන්ඥායේ කල අහඹු සායනික පර්යේෂණය (Castillo, et al, 2020 ; Nogués et al, 2021).
මෙම පර්යේෂන වාර්තා හරහා ද තහවුරු වී ඇත්තේ ඩී විටමිනය අධි මාත්‍රාවක් ලෙස ලබාදීම හරහා කොවිඩ් ආසාධිතයින් දැඩි සත්කාරක ඒකක වලට ඇතුලත් කිරීමේ අවශ්‍යතාවය සියයට 80 කින් පමණ පහත දැමිය හැකි බවකි . එසේම කොවිඩ් හරහා මරණ සිදුවීම ඊටත් ඉහල ප්‍රතිශතයකින් පාලනය කල හැකි බවයි .
