යාපනයේ අරියාලෙයි ප්‍රදේශයේ දේව මෙහෙයක් පැවැත්වීමට ස්විට්සර්ලන්තයේ සිට පැමිණි පියතුමකු හා සමීපව කටයුතු කළ පුද්ගලයන් විසි දෙනකු දෙනකු ස්වයං නිරෝධානයට ලක් කිරීමට සෞඛ්‍ය බලධාරීන් පියවර ගෙන තිබේ.
ඔහු දේව මෙහෙයක් සඳහා පැමිණියත් අසනීප තත්ත්වය හේතුවෙන් එම දේව මෙහෙය සිදු කර නොමැති අතර ඒ සඳහා පුද්ගලයින් දෙසියයක් පමණ සහභාගී වී ඇත.
කෙසේ වෙතත් මුල් ගල් තැබීමේ උත්සව අවස්ථාවකට විදේශික පියතුමා සම්බන්ධ වී ඇති නමුත් එම අවස්ථාවට සහභාගී වී ඇත්තේ පුද්ගලයන් 15 දෙනෙකු පමණි.
අසනීප තත්ත්වය මත මෙම පියතුමා සිය රටට සියරටට පසුගිය 15 වැනිදා යළි ගොස් තිබේ.
ඉන්පසුව ඔහුගේ බිරිඳ මෙරටට දුරකථන ඇමතුමකින් දන්වා ඇත්තේ ඔහුට කොරෝනා වෛරසය ආසාදිත රෝග ලක්ෂණ පෙන්නුම් කරන බැවින් මෙරට දී ඔහු හා සමීපව කටයුතු කළ සියලු දෙනා වෛද්‍ය පරීක්ෂාවකට ලක් කරන ලෙසයි.
ඔහුගේ වෛද්‍ය වාර්තාව අද දිනයේ ලැබෙන බවත් එය මෙරටට යොමුකරන බවත් ඇය පවසා තිබේ.
කෙසේ නමුත් ඔහු හා සමීපව කටයුතු කරමින් පියතුමාට අවතේව කටයුතු කළ විදේශිකයන් සිව්දෙනකු පරීක්ෂාවට ලක්කර ද ඔවුන්ට කොරෝනා වෛරසය ආසාදනය වී නැති බවට තහවුරු වී ඇත.
