විදෙස් සංචාරකයින් හරහා කොරෝනා වෛරසය මෙරටට ඇතුළුවීම වැලැක්වීම සඳහා සෞඛ්‍ය අමාත්‍යංශය සමග එක්ව විශේෂ ඒකාබද්ධ වැඩසටහනක් දියත් කිරීමට ශ්‍රී ලංකා සංචරණය පියවර ගෙන ඇත.
විශේෂයෙන්ම චීන සංචාරකයින් හරහා මෙරටට මෙම වෛරසය ඇතුළුවීම වැලැක්වීම සඳහා අවශ්‍ය සෑම ආරක්ෂක ක්‍රියාමාර්ගයක්ම ගෙන ඇති බවද ශ්‍රී ලංකා සංචරණය සඳහන් කර සිටී.
මෙම වැඩසටහන යටතේ සංචාරක ක්ෂේත්‍රයට සම්භන්ධ සියලු අංශ මෙම වෛරසය පිළිබඳව දැනුවත් කිරීමටද කටයුතු යොදා ඇති බව ශ්‍රී ලංකා සංචරණය විශේෂ නිවේදනයක් නිකුත් කරමින් සඳහන් කර සිටී.
මේ අතර පසුගිය ජනවාරි මාසයේ දී ශ්‍රී ලංකාවට පැමිණි චීන සංචාරකයින් ප්‍රමාණය 22,363ක් ලෙසින් වාර්තා වී ඇති බවද ශ්‍රී ලංකා සංචරණය සඳහන් කර ඇත.
