සමගි ජනබලවේගය ඉදිරි පාර්ලිමේන්තු මැතිවරණය සඳහා ‘දුරකථනය’ ලකුණින් තරඟ වදින බව එහි මහ ලේකම් රංජිත් මද්දුමබණ්ඩාර මහතා විසින් මැතිවරණ කොමිසම දැනුම්දී ඇති බව වාර්තාවේ.
සජිත් ප්‍රේමදාස මහතාගේ නායකත්වයෙන් යුතු සමගි ජන බලවේගය මහලේකම් ධුරය දරන රංජිත් මද්දුමබණ්ඩාර මහතා විසින් මේ බව මැතිවරණ කොමිසමට මේවනවිට ලිඛිතව දැනුම්දී ඇත.
රටපුරා දිස්ත්රික්ක 22ක් සදහා ‘දුරකථනය’ ලකුණින් තම බලවේගය තරග වදින බවත් ඔහු දන්වා තිබේ.
මෙ අතර සජිත් ප්‍රේමදාස මහතාගේ නායකත්වයෙන් යුත් එම පක්ෂය මේ වන විට නාමයෝජනා මණ්ඩලයක් ද පත්කර තිබෙන අතර නාම යෝජනා බාර ගැනීමේ මූලික කටයුතු ආරම්භ කර ඇතැයි ද වාර්තා වේ.
එක්සත් ජාතික පක්ෂයද රටපුරා මැතිවරණ දිස්ත්රික්ක 22ක් සඳහා අලියා ලකුණින් තරඟ වදින බවට මැතිවරණ කොමිසම වෙත දැනුම් දී ඇත.
ඉදිරි මැතිවරණය සඳහා පක්‍ෂ ලකුණු වෙනස් කිරීම සඳහා ලබාදුන් කාලය අද දින අවසන් වෙ.
