එක්සත් ජාතික පක්ෂය ප්‍රමුඛව ඉදිරියේදී ඇති කිරීමට සූදානම් වන සන්ධානයේ නායකත්වය සමග සජිත් ප්‍රේමදාස මහතාට බලතල රැසක් ලැබීමට නියමිත බව එජාප පාර්ලිමේන්තු මන්ත්‍රී නලීන් බණ්ඩාර ජයමහ මහතා පවසයි.
විපක්ෂ නායක සජිත් ප්‍රේමදාස මහතාට සන්ධානයේ නායකත්වය සමග ලේකම්වරයා පත් කිරීමේ, නාමයෝජනා මණ්ඩලය පත් කිරීමේ, විනය ක්‍රියාමාර්ග ගැනීමේ බලය ඇතුළු සියලූම බලතල ලබා දීමට තීරණය කර තිබෙන බව හෙතෙම කියාසිටියේය.
ඔහු මේ බව සඳහන් කළේ, අද කොළඹදී පැවති මාධ්‍ය හමුවකදීය.
එක්සත් ජාතික පක්ෂය සිය නායකත්වය වෙනුවෙන් රනිල් වික්‍රමසිංහ මහතා දිගටම කටයුතු කරන බවට ඊයේ තීරණය කළේ කෘත්‍යාධිකාරි මණ්ඩල සාමාජිකයන් 16 දෙනෙකු එම හමුව පෙර නොදන්වා වර්ජනය කිරීමේ පසුබිමකදී ය.
ඝන පූරණය පැවැතීම හේතුවෙන් එම තීන්දුව ගත් අතර ඉදිරි අගමැති අපේෂකත්වය සඳහා ද සජිත් ප්‍රේමදාස මහතා ඉදිරිපත් කරන බවට එහිදී තීන්දු විය.
