බේරුවල ප්‍රදේශයේ නිවෙස්වලට ගොස් මුදල් දී නිල ඡන්ද පත්‍රිකා ගැනීමට උත්සහ කළ පුද්ගලයින් දෙදෙනෙක් ප්‍රදේශවාසීන් විසින් අල්ලා පොලීසියට භාරදී තිබේ.
ඔවුන් එක් නිල ඡන්ද පත්‍රිකාවකට රුපියල් 5000 බැගින් ලබාදී ඇත.
සැකකරුවන් අල්ලගන්නා අවස්ථාවේදී දෙදෙනෙක් පළාගොස් ඇත.
ඒ අය අතර රාජ්‍ය ඹෟෂධ සංස්ථාවේ හිටපු සභාපතිවරයෙක් වන හිටපු ඇමතිවරයෙකුගේ සම්බන්ධිකරණ ලේකම්වරයෙක් ලෙස කටයුතු කළ පුද්ගලයෙක් සිටින බව හදුනා ගෙන ඇතැයි බේරුවල පොලීසිය සදහන් කරයි.
එම පුද්ගලයින් පළාගොස් ඇත්තේ ඔවුන් පැමිණි මෝටර් රථයද මහ මග දමාය.
මෝටර් රථය පරීක්ෂා කිරීමේදී එහි තිබී සමගි ජනබල වේගයේ කළුතර දිස්ත්‍රික් අපේක්ෂකයින් වන රාජිත සේනාරත්න සහ මොහොමඩ් ජෙමිල් මරික්කාර මොහොමඩ් ඉෆ්තිකාර් යන අයගේ ඡන්ද ප්‍රචාරක දැන්වීම් ගොන්නක්ද තිබුණු බව පොලීසිය කියයි.
පළාගිය දෙදෙනා හදුනාගෙන ඇත.
ඒ අය අත්අඩංගුවට ගැනීමට පියවර ගන්නා බව ඒ සම්බන්ධයෙන් කළ විමසුමකදී පොලීසිය පැවැසීය.
මුදල් බෙදා ඡන්ද කාඩ්පත් එකතු කිරීම් සම්බන්ධයෙන් පොලීසියට තොරතුරු ලැබෙන්නේ මහජනතාවගෙන් බවද එය සතුටුදායක කරුණක් බවත් පොලීසිය කියාසිටියි.
