මෝටර් රථ ප්රවාහන දෙපාර්තමේන්තුවේ සේවා වහා කඩිනම් කිරීමේ ක්රමවේදයක් සකසන ලෙස එහි හදිසියේ නිරීක්ෂණයක නිරත වූ ජනාධිපති ගෝඨාභය රාජපක්ෂ මහතා අද එහි නිලධාරීන්ට උපදෙස් දී තිබේ.
එම ක්රමවේදය ක්රියාත්මක වන්නේද යන්න පිළිබඳ තවත් මාසයක පමක කාලයකින් තමාම පැමිණ පරීක්ෂා කරන බවද ජනාධිපතිවරයා එහිදී නිලධාරීන් වෙත පැවැසීය.
මෝටර් රථ ප්රවාහන දෙපාර්තමේන්තුව පිළිබඳ පැමිණිලි විශාල ප්රමාණයක් ලැබෙන බැවින් තමා මෙලෙස හදිසි නිරීක්ෂණයකට එහි පැමිණි බව ජනාධිපතිවරයා අවධාරණය කළේය.
“මමත් ජනතා සේවකයෙක්. මම අවුරුදු 30ක් රාජ්ය සේවයේ හිටියා. මම ලේකම් වෙලා ඉද්දි සමහර දවස්වලට ෆයිල් 1000ක් විතර ආවා. හැබැයි ඒත් ඒ දවසට මම ඒවා ක්ලියර් කරලයි ගියේ. එහෙම කළේ යුද්දෙකුත් ඉවර කරන ගමන්. ඒකත් ඉවර කළානෙ. රාජ්ය සේවකයා මිනිස්සුන්ට කඩිනමින් සේවය කරන්න ඕනේ. මගේ කාලය තුළ මේ රාජ්ය සේවය කඩිනම් කළ යුතුමයි.
මෙතනට එන මිනිස්සුන්ට රස්තියාදු නොවී පැය ගණන් මෙතනට වෙලා ඉන්නෙ නැතුව වෙලාවක් දීලා ඒ වෙලාවට ඇවිත් කාඩ් එක අරන් යන්න පුළුවන් ක්රමවේදයක් මාසයක් ඇතුළත හදන්න. මොකද මේ දුර ඉඳන් එන අයත් ඉන්නවා. මිනිස්සුන්ට කාලය වටිනවා.” යැයි ජනාධිපතිවරයා එහිදී වැඩිදුරටත් කියාසිටියේය.
