අත්‍යවශ්‍ය සේවා භාණ්ඩ ප්‍රවාහනය කරන ලොරි රථයක සැගවී කොළඹ සිට යාපනයට ගිය පුද්ගලයින් 08 දෙනෙක් සමග ලොරි රථයේ රියදුරු ඊයේ (22) අත්අඩංගුවට ගෙන තිබේ.
සැකකරුවන් යාපනයේ විවිධ ප්‍රදේශවල පදිංචිකරුවන්ය.
එම ලොරි රථයේ අල ලූණු ගෝනි තුළ ඔවුන් සැගවී ගමන් කර ඇත්තේ රියදුරාට රුපියල් 18000 ක මුදලක් ගෙවා බ යාපනය නියෝජ්‍ය පොලිස්පති මහේෂ් සේනාරත්න මහතා පවසයි.
ඉන්එක් පුද්ගලයෙක් සම්බන්ධයෙන් ප්‍රදේශවාසියෙක් පොලීසියට කල දැනුම් දීමකට අනුව කළ විමර්ශනයේදී කොළඹ සිට ආ සැකකරුවන් සියල්ලොම සම්බන්ධයෙන් හෙළිවී තිබේ.
මොවුන් ගෙන් දෙදෙනෙක් කොළඹ පොත් සාප්පුවක සේවයේ නිරතව සිටින අයයි.
සෙසු 06 දෙනා එම පොත් සාප්පුවේ අලුත්වැඩියාවක් සදහා අත්උදව්වට යාපනයේ සිට කොළඹ ගොස් සිටි අය බව හදුනාගෙන තිබේ.
අත්අඩංගුවට ගත් සැකකරුවන් රියදුරාගේ නිවසේ තබා ස්වයං නිරෝධායනය කිරීමට පොලීසිය තීරණය කර ඇත.
