ඉදිරි මහමැතිවරණයට ඉදිරිපත් වී සිටින අපේක්ෂකයින් 29 දෙනෙකුට එරෙහිව පැමිණිලි ලැබී ඇතැයි මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය මහතා පවසයි.
මොවුන් විවිධ දේශපාලන පක්ෂවල අපේක්ෂකයන් බව ඔහු කීය.
අපේක්ෂකයින් තිදෙනෙක් මේ වන විටත් අත්අඩංගුවට ගෙන නීතිමය පියවර ගෙන ඇත.
එම අපේක්ෂකයන් පුත්තලම, කුරුණෑගල සහ යාපනය දිස්ත්‍රික්වලින් මැතිවරණයට ඉදිරිපත්ව සිටින්නන්ය.
මැතිවරණ නීති උල්ලංඝණය කරමින් රාජකාරියේ නිරත වූ පොලිස් ස්ථානාධිපතිවරු දෙදෙනෙක් ඇතුළු පොලිස් නිලධාරීන් 5 දෙනෙකුට එරෙහිව විනය ක්‍රියාමාර්ග ගෙන ඇත.
ඒ ජා-ඇල සහ පොළොන්නරුව යන පොලිස් ස්ථානවල ස්ථානාධිපතිවරුන්ය.
මේ වනවිටත් ඔවුන් එම ස්ථානවලින් මාරුකර වෙනත් නිලධාරීන් අනුයුක්තකර ඇත.
ඊට අමතඑව මැතිවරණ නීති කඩකරමින් කටයුතු කළ ඇමති ආරක්ෂක අංශයේ පොලිස් නිලධාරියෙකුගේ සේවය අත්හිටුවා තිබේ.
