BREAKING NEWSCorona Live Update


Share now!

ඩෙල්ටා කොවිඩ් ප්‍රභේදය මේ වනවිට මුළු ලොවටම මහත් වූ තර්ජනයක් බවට පත්වෙමින් ඇති බව ලෝක සෞඛ්‍ය සංවිධානය අනතුරු අඟවා සිටී

මේ වනවිටත් එම ප්‍රභේදය ලොව ප්‍රමුඛතම කොවිඩ් ප්‍රභේදය බවට පත්වෙමින් ඇති බවද ලෝක සෞඛ්‍ය සංවිධානයේ ප්‍රධාන විද්‍යාඥවරිය (chief scientist) ලෙස කටයුතු කරන වෛද්‍ය සෞම්‍යා ස්වාමිනාදන් අවධාරණය කර සිටී

‘‘ඩෙල්ටා ප්‍රභේදය , මෙතරම් භයානක වී ඇත්තේ  එහි ඇති සීග්‍ර ව්‍යාප්තිය වන බවද ..‘ලෝක සෞඛ්‍ය සංවිධානයේ ප්‍රධාන විද්‍යාඥවරිය මාධ්‍යවෙත සඳහන් කර ඇත

බ්‍රිතාන්‍යයේ මේ  දිනවල මතුව ඇති   නව කෝවිඩ් රැල්ලට හේතුව ද ඩෙල්ටා ප්‍රභේදය ලෙස  සැලකෙන අතර, ජර්මනියේ ද මෙම ප්‍රභේදය  හිස ඔසවමින් සිටියි. රුසියාවේ මොස්කව් නුවර ද මේ වන විට තුන්වැනි රැල්ලක් ගැන බියට පත් වී තිබෙන අතර, මොස්කව් බලධාරීන් කියා තිබෙන්නේ ඩෙල්ටා හෙවත්  ඉන්දියානු කෝවිඩ් ප්‍රභේදය මෙයට වගකිව යුතු බවයි.

ජූනි 15 වැනිදා ඇමරිකාවේ ආහාර හා ඖෂධ පාලනාධිකාරියේ හිටපු ප්‍රධානියා වන වෛද්‍ය ස්කොට් ගොට්ලිබ් පවසා තිබුණේ ඉදිරි කාලයේදී ඇමරිකාවේ ද නව කොරෝනා රෝගීන් මෙම මාදිලිය නිසා සීඝ්‍ර යෙන් වාර්තා වීමට ඉඩ ඇති බවයි.