ජනප්‍රිය රංගන ශිල්පී, රාජ්‍ය අමාත්‍ය රන්ජන් රාමනායක මහතා අද ආරම්භ වූ අපොස උසස් පෙළ මුහුණ දී තිබේ.
මෙවර උසස් පෙළ විභාගයට පෙනී සිටින රන්ජන් රාමනායක මහතා පාසල් සමයේදී එම විභාගයට පෙනී සිටියද ලද සාමාර්ථය නීතිය හැදෑරීමට ප්‍රමාණවත් නොවන බැවින් නීතිඥයකු වීමේ අභිලාෂය ඇතිව ඉහළ සාමාර්ථයක් ලබාගැනීමේ අරමුණින් පෙනී සිටී.
ඡායාරූපයේ දැක්වෙන්නේ රාජ්‍ය අමාත්‍යවරයා කෝට්ටේ ආනන්ද බාලිකා විද්‍යාලයේ විභාග ශාලාව වෙත යාමට පෙර සිය රථයේ හිඳිමින් පාඩම් කළ අයුරු හා පිටතට පැමිණි අවස්ථාවන් ය.
