බ්‍රිතාන්‍යයේ ලිවර්පූල් නගරයට ප්‍රථම වරට ත්‍රීරෝද රථ සේවාවක් හඳුන්වාදීමට ඉන්දියාවේ ඕලා සමාගම පියවර ගෙන ඇත.
දැනට බ්‍රිතාන්‍යය තුල ප්‍රචලිතව ඇති ඌබර් කුලී රථ සේවාවේ ඒකාධිකාරය බිඳ දැමීමේ අරමුණින් මෙසේ ත්‍රීරෝද රථ සේවාවක් හඳුන්වාදීමට ඔලා සමාගම කටයුතු කර ඇති අතර ඒ අනුව බජාජ් හා පියාජියෝ වර්ගවලට අයත් ත්‍රීරෝද රථ මෙම සේවයට එක්කිරීමටද සැලසුම් කර ඇත.
ආරම්භයේ සිටම මගී ජනතාවගෙන් ඉතා අඩු මුදලක් අයකිරීමට මෙම සමාගම පියවර ගෙන ඇති අතර , සහන පැකේජ රැසක් පිරිනැමීමටද කටයුතු යොදා ඇත.
බ්‍රිතාන්‍යයන් මෙම ත්‍රීරෝද රථ “ටුක් ටුක්” නමින් හැඳින්වීමට පුරුදුවෙමින් සිටින බවත් ඉක්මනින්ම මෙම ටුක් ටුක් රට පුරා ප්‍රචලිත වනු ඇති බවත් ඕලා සමාගමේ බ්‍රිතාන්‍ය ශාඛාවේ කළමනාකරණ අධ්‍යක්ෂ බෙන් ලෙග් මහතා එරට මාධ්‍ය වෙත ප්‍රකාශ කර ඇත.
