සිංගප්පූරුව සහ කොළඹ අතර සෘජුව ක්‍රියාත්මක වන ප්‍රථම අඩු වියදම් ගුවන් සේවය ලෙස ජෙට්ස්ටාර් ඒෂියා ගුවන් සේවය ලබන ජුලි මස සිට තම ගුවන් ගමන් ආරම්භ කිරීමට සැලසුම් කර ඇත.
මේ අනුව සිංගප්පූරුවේ සිට ගමන් අරඹන ජෙට්ස්ටාර් ඒෂියා හි 25 වන ගමනාන්තයට බවට කොළඹ පත්වේ.
එසේම සිංගප්පූරුව සහ කොළඹ අතර සෘජුව ක්‍රියාත්මක වන එකම අඩු වියදම් ගුවන් සේවය (low-cost carrier – LLC) බවට ද ජෙට්ස්ටාර් ඒෂියා හැඳින්විය හැකිය.
Jetstar Asia වෙබ් අඩවිය හරහා සිංගප්පූරුව හා කොළඹ අතර ආසන වෙන් කිරීමේ පහසුකම මේ වන විට ආරම්භ වී තිබේ.
මේ සම්බන්ධයෙන් අදහස් දක්වමින් ජෙට්ස්ටාර් ඒෂියා හි ප්‍රධාන විධායක නිලධාරී බාරා පසුපති පැවසුවේ, සංචාරකයින් විසින් සිය නිවාඩු ගත කිරීමේ ගමනාන්තයක් ලෙසින් ශ්‍රී ලංකාව නිරන්තරයෙන් තෝරා ගන්නා බවයි.
“අපගේ ගනුදෙනුකරුවන් සඳහා ආකර්ෂණීය නව ගමනාන්තයන් අඛණ්ඩව විවෘත කිරීමට ජෙට්ස්ටාර් ඒෂියා කැපවී සිටිනවා” යැයි පසුපති මහතා පැවසීය.
