මහ මැතිවරණය පැවැත්වීම සඳහා වියදම රුපියල් කෝටි 750 ක් දක්වා ඉහළ යා හැකි බව මැතිවරණ කොමිසම මුදල් අමාත්‍යංශය වෙත දැනුම් දී ඇත.
මහ මැතිවරණය සඳහා ඉදිරිපත් වන දේශපාලන පක්ෂ ප්‍රමාණය ඉහළ යාම හේතුවෙන් මෙලෙස අතිරේක පිරිවැයක් දැරීමට සිදුව ඇති බවයි කොමිසම පෙන්වා දී ඇත.
අපේක්ෂකයන් වැඩිවීම හේතුවෙන් ඡන්ද මධ්‍යස්ථාන ප්‍රමාණය වැඩි කිරීමට ද සිදුවන බව මැතිවරණ කොමිසම පෙන්වා දී ඇති අතර මහ මැතිවරණයේ රාජකාරි කටයුතු සඳහා රාජ්‍ය සේවකයන් ලක්ෂ 03 කට වැඩි ප්‍රමාණයක් යෙදවීමට සිදුවනු ඇති බව ද ගණන් බලා තිබේ.
මහ මැතිවරණය පැවැත්වීම සඳහා රුපියල් කෝටි 550 ක මුදලක් මීට පෙර ඇස්තමේන්තු කර තිබිණ.
මෙවර මහ මැතිවරණය 2019 ඡන්ද හිමි නාමලේඛනයට අනුව පැවැත්වීමට නියමිත අතර පසුගිය 2018 ඡන්ද හිමි නාමලේඛනය හා සැසඳීමේදී නව ඡන්දදායකයන් 270,000 කට ඡන්ද අයිතිය හිමිව තිබේ.
