දම්පත් රණසිංහ
නාවික හමුදා බුද්ධි අංශ විසින් ජාඇල සුදුවැල්ල ප්‍රදේශයේ දී අල්ලාගෙන සුදුවැල්ල නිරෝධායන මධ්‍යස්ථානය වෙත රැගෙන ගිය මත්කුඩු ලෝලීන් විසිතුන් දෙනාගෙන් හය දෙනෙකුට නව කොරෝනා වෛරසය වැළදී ඇති බව හෙළි වී තිබේ.
ඊට අමතරව දේවලින් හඳුනා ගෙන සිටි තවත් පුද්ගලයකුට වෛරසය වැළඳී ඇතැයි තහවුරු වී ඇත.
ඒ අනුව අද දිනයේදී වෛරසය වැළඳුණු බවට තහවුරු වූ පුද්ගලයින් හත්දෙනකු හමුවීමත් සමග මෙරටින් හමු වූ කොවිඩ්-19 රෝගීන්ගේ සංඛ්‍යාව 197 දක්වා ඉහළ ගියේය.
ජා ඇල ප්‍රාදේශීය දේශපාලනඥයකුගේ නිවසට හොරකමක් සඳහා ඇතුළු වන අවස්ථාවේදී අසල්වැසියන් විසින් මත්කුඩු පානයට ඇබ්බැහි වූ ත්‍රිරෝද රථ රියදුරකු අල්ලා පොලිසියට භාර දී ඇත.
මෙම පුද්ගලයා ඇසුරු කළ දහසකට වැඩි පිරිසක් හඳුනාගෙන එහි සියලු දෙනා ස්වයං නිරෝධායනට යොමු කිරීමට යොමු කිරීමට කටයුතු කර තිබේ.
මෙ ම පුද්ගලයන් අතර අදාළ පුද්ගලයා විසින් එක්ව මත්කුඩු පානය කළ තිහකට ආසන්න පිරිසක් හඳුනාගෙන නිරෝධායනයට යොමු කර තිබුණි.
එහෙත් මත් කුඩු ලෝලීන් නිරෝධායනය නොවී නිවසින් පැන ගොස් රට පුරාම සැරිසරා තිබේ.
මේ තත්ත්වය මත නාවික හමුදා බුද්ධි අංශ විසින් ඔවුන්ගෙන් විසිතුන් දෙනකු අත්අඩංගුවට ගෙන ඔලුවිල් හී නිරෝධායන මධ්‍යස්ථානයට රැගෙන යන ලදී.
