මුරුංගාගස්යායේ නාහිමියෝ ප්‍රංශයේ සිට ඉල්ලිමක් කරති
ප්‍රංශයේ රෝහල්වල කොරෝනා රෝගින් පිරි ඉතිරි ගොස් ඇති බැවින් නව රෝගින් රෝහල්වලට ඇතුළත්කර නොගන්නා බව ප්‍රංශයේ ප්‍රධාන අධිකරණ සංඝනායක මුරුංගාගස්යායේ ඤාණිස්සර නාහිමියෝ ප්‍රංශයේ ජේතවනාරාමයේ සිට විශේෂ ප්‍රකාශයක් කරමින් පැවසුහ.
ප්‍රංශයේ තත්වය ශෝචනියයි.කොරෝනා වසංගතයෙන් විශාල පිරිසක් මියයනවා.රෝහ්ල්වලට රෝගින් බාරගන්නේ නැ.නමුත් ලංකාවේ මේ තත්වය නැහැ.ලංකාවේ රෝගින් සිටින තැන් සොයාගෙන ගොස් නිරෝධායනයට යොමුකරනවා.තව රෝගින් රෝහල් ගත කරනවා.නමුත් මේ දියුණු යැයි කියු රටවල එවැනි තත්වයක් අද නැහැ.ලෝකය පුරාම රටවලින් සංචාරකයන් දහස් ගණන් පැමිණි ප්‍රංශය අද පාලුවට ගිහින්.පාරවල්වල කවුරුවත් ගමන් කරන්නේ නැහැ.බලපත්‍රයක් නොමැතිව පාරට බැස්සොත් ලංකාවේ මුදලින් රුපියල් 40,000ක පමණ වන යුරෝ ප්‍රමාණයක් දඩ ගහනවා.ඒනිසා ලාංකිකයන්ගෙන් මේ මොහොතේ මා ඉතාම කරුණාාවන් ඉල්ලා සිටින්නේ සෞඛ්‍ය අංශ දෙන උපදෙස් අකුරටම පිලිපැද ජිවිත ආරක්ෂා කරගන්නා ලෙසයි.
ප්‍රංශයේ දහස් ගණන් මියයන ආකාරය අප හොදින් දකිනවා.ඒි නිසා මෙය සැලකිල්ලට නොගෙන හිතුමතේ කටයුතු කිරිමට ගියහොත් සිදුවන්නේ මහ විනාශයක් යැයිද මුරුංගාගස්යායේ ඤාණිස්සර නාහිමියෝ පැවසුහ .
